Work-life balance မျှတဖို့အတွက် သတ်မှတ်သင့်သော စည်းမျဥ်းများအကြောင်း 

အလုပ်နဲ့ ကိုယ်ပိုင်ဘဝကြား စည်းမျဉ်းတချို့ သတ်မှတ်ခြင်းဟာ work-life balance အတွက် မရှိမဖြစ် လိုအပ်တဲ့ အရာတစ်ခု ဖြစ်ပါတယ်။ ဒီလို စည်းမျဉ်းသတ်မှတ်ထားခြင်းက အလုပ်ကြောင့် စိတ်ဖိစီးဖြစ်ခြင်း ကို တားဆီးနိုင်မှာ ဖြစ်သလို ပြန်လည်အနားယူဖို့ အချိန်လုံလောက်စွာ ရနိုင်တယ်၊ ချစ်ရသူတွေအတွက် အချိန်ပေးနိုင်မှာ ဖြစ်တဲ့အပြင် ကိုယ်ရဲ့ ကိုယ်ပိုင် ဘဝကိုလည်း အာရုံစိုက်နိုင်မှာ ဖြစ်ပါတယ်။ ဒီလိုမျိုး work-life balance ညီမျှဖို့အတွက် သတ်မှတ်သင့်တဲ့ စည်းမျဥ်းတွေကို မျှဝေပေးချင်ပါတယ်။ 

(၁) တိကျတဲ့ အလုပ်ချိန်သတ်မှတ်ပါ 

Work-life balance ညီမျှဖို့အတွက် ကိုယ့်ရဲ့ အလုပ်ချိန်နဲ့ ကိုယ်ပိုင်အချိန်ကို တိကျစွာ သတ်မှတ်ထားဖို့ အရေးကြီးပါတယ်။ သတ်မှတ်ထားတဲ့ အချိန်အတွင်းမှာလည်း အလုပ်ကိုအာရုံစိုက် လုပ်သင့်သလို အနားယူချိန်မှာလည်း အလုပ်နဲ့ ပတ်သက်တာတွေကို တတ်နိုင်သမျှ ခေါင်းထဲက ထုတ်ထားပြီး အနားယူဖို့ လိုပါတယ်။ ဒီလိုမျိုး တိကျတဲ့ အလုပ်အချိန် ဇယားသတ်မှတ်ခြင်းက အလုပ်အတွက်လည်း ကောင်းကျိုးများနိုင်သလို ကိုယ်ပိုင်ဘဝ အတွက်လည်း ပြည့်ပြည့်ဝဝ အချိန်ပေးနိုင်မှာ  ဖြစ်ပါတယ်။ 

(၂) စိတ်ဖိစီးမှုကို ထိန်းချုပ်ပါ 

အလုပ်မှာရော ကိုယ်ပိုင်ဘဝမှာပါ စိတ်ဖိစီးမှုဆိုတာက ဖြစ်တတ်စမြဲပါပဲ။ စိတ်ဖိစီးမှုတွေကြောင့်လည်း အလုပ်နဲ့ ကိုယ်ပိုင်ဘဝ ရောထွေးတတ်ပြီး Work-life balance ကို လျော့ကျစေနိုင်တာကြောင့် စိတ်ဖိစီးမှုတွေကို ထိန်းချုပ်ဖို့ လိုပါတယ်။ တရားထိုင်တာ၊ ဝါသနာအတွက် အချိန်ပေးတာ ၊ Journaling လုပ်တာ၊ ပျော်စရာ ရှာဖွေတာ၊ ကိုယ်လက်လှုပ်ရှား လေ့ကျင့်ခန်း လုပ်တာ၊ အပန်းဖြေ ခရီးထွက်တာ နဲ့ အသက်ရှု လေ့ကျင့်ခန်းလေ့ကျင့်ခန်းလုပ်တာတွေဟာ စိတ်ဖိစီးမှုကို ထိန်းချုပ်နိုင်ဖို့ ကူညီပေးနိုင်တဲ့ အကောင်းဆုံး နည်းလမ်းတွေ ဖြစ်ပါတယ်။ 

(၃) အလုပ်နဲ့ ကိုယ်ရေးကိုယ်တာ ခွဲခြားပါ 

အလုပ်အချိန်မှာ ကိုယ်ရေးကိုယ်တာ အကြောင်းတွေ တွေးခြင်း၊ ကိုယ်ရေးကိုယ်တာ ကိစ္စတွေကြောင့် အလုပ်ကို အာရုံမစိုက်နိုင်ခြင်းက အလုပ်ရဲ့ အရည်အသွေးနဲ့ ပြီးမြောက်မှုနှုန်းကို ထိခိုက်နိုင်သလို အလုပ်က အကြောင်းအရာတွေနဲ့ စိတ်ရှုပ်စရာ ကိစ္စတွေကို အိမ်ကို ယူလာခြင်းကလည်း ကိုယ့်ရဲ့ ကိုယ်ပိုင် အချိန်ကို ထိခိုက်မှု ရှိနိုင်ပါတယ်။ ဥပမာအားဖြင့် မိသားစုနဲ့ အချိန်ပေးပြီး အနားယူရမယ့် အချိန်မှာ  အလုပ်ကြောင့် စိတ်ဖိစီးမှုများနေတာ၊ စိတ်ရှုပ်ထွေးမှုတွေကြောင့် မိသားစုကို စိတ်မရှည် ဖြစ်မိတာတွေ ဖြစ်နိုင်တာကြောင့် ဒီအချက်ကိုလည်း သတိထားဖို့ လိုပါတယ်။ အထူးသဖြင့် Work from home လုပ်တဲ့သူတွေ၊ freelance လုပ်တဲ့ သူတွေ အနေနဲ့ အလုပ်နဲ့ ကိုယ်ရေးကိုယ်တာကို တိတိကျကျ ခွဲခြားတတ်ဖို့ လိုအပ်ပါတယ်။ 

(၄) တာဝန်တွေကို ခွဲဝေတတ်ပါစေ 

အလုပ်တွေအားလုံးကို တစ်ယောက်ထဲ စုပုံလုပ်ဖို့ ကြိုးစားရင်းနဲ့ အလုပ်တွေ ပိလာတဲ့အခါ စိတ်ဖိစီးမှု များလာတတ်ပါတယ်။ လူတိုင်းမှာ အလုပ်လုပ်ဖို့အတွက် အချိန်အကန့်အသတ် ရှိနိုင်သလို စွမ်းအင်အားဖြင့်လည်း အကန့်အသတ် ရှိပါတယ်။ ဒါ့ကြောင့် ကိုယ့်ရဲ့ တနေ့တာ လုပ်နိုင်စွမ်းနဲ့ အချိန်ပေးနိုင်မှု အပေါ်မှာ မူတည်ပြီး ကိုယ့်ရဲ့ အလုပ်တာဝန်တွေကို ကိုယ်တိုင်စီမံ ခန့်ခွဲတတ်ဖို့ အရေးကြီးပါတယ်။ ဒါ့ကြောင့် တချို့သော အလုပ်တွေကို တခြားသူတွေအတွက် ခွဲဝေပေးတာ၊ မျှဝေပြီး အတူတူ လုပ်ဆောင်တာမျိုးတွေ ပြုလုပ်သင့်ပါတယ်။ 

(၅) အလုပ်ချိန်အတွင်းမှာလည်း လုံလောက်တဲ့ အနားယူချိန် (Break Time)ထားရှိပါ 

အလုပ်ချိန်မှာ စိတ်ကို နှစ်ပြီး လုပ်တာက အလုပ်ရဲ့ အရည်အသွေးနဲ့ ပြီးမြောက်မှုနှုန်း အတွက် အရေးကြီးတယ်ဆိုပေမယ့် အလုပ်လုပ်ချိန်အတွင်းမှာလည်း လုံလောက်တဲ့ Break Time ထားရှိဖို့ လိုအပ်ပါတယ်။ ဒီလိုမျိုး break time ပေးပြီး အလုပ်လုပ်ခြင်းက စိတ်ကို ပြန်လည် လန်းဆန်းစေပြီး အားပြန်ပြည့်စေဖို့ ကူညီပေးနိုင်သလို အလုပ် ရဲ့ လုပ်ဆောင်နိုင်စွမ်းကိုလည်း မြှင့်တင်ပေးနိုင်ပါတယ်။ အလုပ်လုပ်နေရင်းနဲ့ လမ်းထလျှောက်တာ၊ အကြောဆန့်တာ၊ နေ့လည်စာစားချိန် အပြည့်အဝပေးတာတွေ ပြုလုပ်ပေးဖို့ လည်း လိုအပ်ပါတယ်။ 

တကယ်လို့ အလုပ်ခွင်အတွင်း Work Life Balance မညီမျှမှုကြောင့် ဝန်ထမ်းတွေရဲ့ စိတ်ပိုင်းဆိုင်ရာ အကူအညီလိုအပ်ခဲ့တယ်ဆိုရင်တော့ စိတ်ပိုင်းဆိုင်ရာ ကျွမ်းကျင်သူတွေနဲ့ ဆွေးနွေးတိုင်ပင်ဖို့ လိုပါတယ်။ 

Call Me Today မှာ ဝန်ထမ်းတွေအတွက် EAP program တွေ၊ Package တွေ၊ Group Counseling, training and workshop service တွေ ကို ရယူနိုင်ပြီဖြစ်သလို တခြားသော စိတ်ပိုင်းဆိုင်ရာ ပြဿနာတွေအတွက်လည်း Call Me Today မှတဆင့် ကျွမ်းကျင် ပညာရှင်တွေနှင့် တွေ့ဆုံကာ အခုပဲ နှစ်သိမ့်ဆွေးနွေးနိုင်ပါပြီ။ Booking ပြုလုပ်ရန်အတွက် ဒီနေရာကို နှိပ်ပါ။